ہستی ہے جب تک ہم ہیں اسی اضطراب میں
جوں موج آپھنسے ہیں عجب پیچ و تاب میں
اس شعر میں درد کہہ رہے ہیں کہ یہ دنیا ایک سمندر کی مانند ہے اور دنیا کے اس سمندر میں ہماری زندگی ایک لہر کی طرح ہے جو بیچ سمندر کسی طوفان میں پھنسی ہو اس دنیا کے جھمیلوں میں ہماری زندگی بھی بھی کچھ ایسے ہی الجھی ہوئی ہے زندگی کی مشکلات پریشانیوں بے چینی اور بے سکونی میں ہم انسان ایسے الجھے ہوئے ہیں کہ ہم یہ یہ سمجھ ہی نہیں پاتے کہ یہ اتار چڑھاؤ زندگی کا حصہ ہیں جب تک ہماری زندگی ہے یہ مشکلات ہماری زندگی کا حصہ رہیں گی اور ہماری زندگی کے خاتمے کے ساتھ ہی ہماری تمام مشکلات اور پریشانیاں بھی ختم ہو جائیں گی جو ہماری زندگی کے ساتھ جڑی ہوئی ہیں لیکن جب تک ہم زندہ ہیں انہی اتار چڑھاؤ کے ساتھ ہمیں اپنی زندگی گزارنی ہوگی
آئینہ عدم ہی میں ہستی ہے جلوہ گر
ہے موج زن تمام یہ دریا حباب میں
اس شعر میں درد کہہ رہے ہیں کہ ہماری زندگی کی حقیقت بس اتنی ہے کہ ایک روز ہم اس دنیا سے چلے جائیں گے صرف موت ہی اس زندگی کی سچائی ہے موت ایک ایسا آئینہ ہے جس میں ہر پل ہمارا وجود ظاہر ہے پر ہم اس آئینے میں خود کو دیکھنا نہیں چاہتے جب کہ موت ہی زندگی کی اٹل حقیقت ہے انسان کی پیدائش کے ساتھ ہی اس کی موت لکھی ہوئی ہے اور یہ ایک نہ بدلا جانے والا سچ ہے کہ ہماری زندگی ایک بلبلے کی مانند ناپائیدار ہے اور کبھی بھی کسی بھی وقت ختم ہو جائے گی پھر ہمارا وجود اس دنیا میں نہیں رہے گا اور اس دھوکے کی دنیا کو چھوڑ کر ہم اپنی اصل دنیا میں چلے جائیں گے
غافل جہاں کی دید کو مفتِ نظر سمجھ
پھر دیکھنا نہیں ہے اس عالم کو خواب میں
اس شعر میں درد دنیا میں ہر وقت پریشان رہنے والے غافل لوگوں سے کہہ رہے ہیں کہ یہ ساری دنیا ہم انسانوں کے لئے بنائی گئی ہے تاکہ ہم اس دنیا کی نعمتوں کا فایدہ اٹھائیں اور اس کی خوبصورتی کا نظارہ کریں کائنات کے خوبصورت نظارے سمندر پہاڑ چاند ستارے پھول پودے اور دنیا میں موجود ہر چیز کے لئے ہمیں اللّٰہ کا شکر ادا کرنا چاہئے کہ اس نے ہمیں اتنی نعمتیں دیں اور اس قابل بنایا کہ ہم اس خوبصورت دنیا کو دیکھ سکیں اور اس کی نعمتوں سے فائدہ اٹھا سکیں جب تک زندگی ہے اس دنیا کی خوبصورتی کا لطف اٹھائیں پھر ہمارے دنیا سے جانے کے بعد ہم کبھی اس دنیا کے خواب بھی نہیں دیکھ سکیں گے
ہر جُز کو کُل کے ساتھ بمعنی ہے اتصال
دریا سے دُر جدا ہے پہ ہے غرق آب میں
اس شعر میں شا عر کہہ رہے ہیں کہ دنیا کا ہر ایک ذرہ کسی ایک مکمل وجود کا حصہ ہے ہر شے کا اپنے اصل یعنی اپنے مکمل حصے کے ساتھ تعلق ہوتا ہے ہر چیز اپنا ایک وجود رکھتی ہے پر اپنے اصل سے جڑی ہوتی ہے جیسے کہ موتی دریا سے جدا ہے پر دریا نہ ہوتا تو موتی کیسے بنتا کیوں کہ موتی دریا میں ڈوبے سیپ میں بنتا ہے اسی طرح ہم انسان بھی اس کائنات کا حصہ ہیں اور کائنات کی باقی چیزوں کی طرح ہمارا وجود بھی اس کائنات کی ہر چیز سے جڑا ہوا ہے اور کائنات کی ہر ایک چیز ایک روز فنا ہو کر اپنے اصل یعنی خدا سے جا ملے گی اور ہم بھی ایک روز اپنے خالق سے جا ملیں گے کیوں کہ خدا ہی ہمارا اور کائنات کی ہر شے کا خالق ہے اس لئے ہم بھی اپنے اصل یعنی اپنے رب کے پاس لوٹ جائیں گے
میں اور درد مجھ سے خریداریٔ بُتاں
ہے ایک دل بساط میں سو کس حساب میں
اس شعر میں درد کہہ رہے ہیں کہ میرے پاس ایک ہی دل ہے اور میرے اس دل میں بتوں کے لئے کوئی جگہ نہیں کوئی بت میرے دل میں نہیں رہ سکتا کیوں کہ اس دل میں خدا کی یاد ہے اور میرے تمام جذبات بستے ہیں اور یہی یادِ خدا اور میرے جذبے میرے بت ہیں اور کوئی بھی میرے دل سے خدا کی یاد اور میرے جذبوں کو کسی قیمت پر بھی نکال نہیں سکتا میرے ان جذبوں کا کوئی مول نہیں کوئی قیمت نہیں خدا کی یاد اور میرے احساسات کے سوا میرے پاس کچھ بھی نہیں ہے یہی میری زندگی کا کل سرمایہ ہے
