مدرسہ یا دیر تھا یا کعبہ یا بت خانہ تھا
ہم سبھی مہمان تھے واں بس تو ہی صاحب خانہ تھا
اس شعر میں درد کہہ رہے ہیں کہ دنیا میں چاہے کوئی مدرسہ ہو مندر مسجد گرجا جو بھی ہو اللّٰہ ہر جگہ موجود ہے اس نے ہی یہ دنیا بنائی ہے وہ ہی زمین آسمان مندروں مسجدوں تمام دنیا کا مالک ہے ہم انسان چاہے کسی بھی مذہب سے تعلق رکھتے ہوں اس دنیا میں مہمان ہیں اور اس دنیا سے اپنی زندگی پوری کرکے ایک روز چلے جائیں گے اور اللّٰہ کی ذات ہمیشہ رہنے والی ہے وہ ہی صاحب خانہ ہے اس دنیا کو اور تمام انسانوں کا مالک ہے جو ہمیشہ سے ہے اور ہمیشہ رہے گا
وائے نادانی کہ وقتِ مرگ یہ ثابت ہوا
خواب تھا جو کچھ کہ دیکھا جو سنا افسانہ تھا
اس شعر میں درد کہہ رہے ہیں کہ انسان ساری زندگی اپنی نا سمجھی اور اپنی نادانی کی وجہ سے اس دنیا کی زندگی میں الجھا رہتا ہے دنیا کو ہی سب کچھ سمجھتا ہےاور دنیاوی چیزوں کو حاصل کرنے کے لئے پریشان رہتا ہےاور جب موت کا وقت آتا ہے تب انسان پر یہ حقیقت کھلتی ہے کہ دنیا کی زندگی تو صرف ایک دھوکہ تھی آج تک جو بھی دیکھا سنا سب جھوٹ تھا سچ تو صرف یہ ہے کہ ایک روز اس دنیا کی ہر چیز کو چھوڑ کر جس کے لئے ہم عمر بھر بے چین رہے ہمیں مر جانا ہے اور افسوس کہ یہ بات انسان کو موت کے وقت سمجھ آتی ہے
حیف کہتے ہیں ہوا گلزار تاراج خزاں
آشنا اپنا بھی واں اک سبزۂ بیگانہ تھا
اس شعر میں درد کہہ رہے ہیں کہ لوگ افسوس کر رہے ہیں کہ وہ جو سر سبز باغ تھا جو پھولوں اور پتوں سے ہرا بھرا تھا خزاں نے آکر اس باغ کو اجاڑ دیا پورا باغ خزاں کے حملے کا شکار ہوگیا ایک ہرے بھرے باغ کو خزاں نے برباد کردیا اور اسی ہرے بھرے باغ میں جو کہ برباد ہوچکا تھا ایک ہرا بھرا حصہ میرا بھی تھا جو کہ پورے باغ کی طرح خزاں کے حملے سے برباد ہوگیا دراصل وہ اس شعر میں بہادر شاہ ظفر کے ہاتھوں اپنے شہر دلی کی تباہی و بربادی کی طرف اشارہ کر رہے ہیں
ہوگیا مہماں سرائے کثرت موہوم آہ
وہ دل خالی کہ تیرا خاص خلوت خانہ تھا
اس شعر میں درد کہہ رہے ہیں کہ میرا دل ایک مسافر خانے کی طرح ہوگیا ہے جس میں دکھ درد وہم وسوسے اور طرح طرح کے خیالات کسی بھی وقت داخل ہوجاتے ہیں اور یہ وہم اور وسوسے مجھے بے چین رکھتے ہیں جب کہ میرا یہ دل تو دنیا کی فکر سے خالی تھا اس دل میں تو صرف خدا ہی کہ ذات سمائی تھی صرف اس کا ہی خیال تھا میرا یہ دل تو تنہا خدا کا گھر تھا جہاں خدا کی ذات کے سوا کچھ نہیں بستا تھا تو اب نہ جانے کیوں میرے اس دل میں دنیا کی فکر سما گئی ہے